"Туркистон банк" 65 млрд сўм қийматидаги акцияларини сотувга қўйди

авг 14 / 2018

alt

«Туркистон банк» 65 млрд сўм қийматидаги акцияларини сотувга қўйди. Бу ҳақда корпоратив ахборотлар ягона порталида маълум қилинган.

Унга кўра, банк ҳар бирининг қиймати минг сўм бўлган 65 млн дона акцияларини сотувга чиқарган.

Акциялар "очиқ обуна" (акцияларнинг эркин нархда чегараланмаган миқдордаги мижозлар учун сотувга чиқариш. Ёпиқ обуна шаклида эса сотув чекланган, олдиндан аниқ бўлган мижозларга сотилиши тушунилади).

Банк акциялар сотувини 13 август куни регистрация қилган.

Маълумот учун, «Туркистон банк» Ўзбекистон бозорида 1998 йилдан буён фаолият кўрсатиб келмоқда. Банк расмий сайтидаги маълумотларга кўра, унинг ўз капитали миқдори 26,5 млрд. сўмдан ошади.

Манба: Халқ сўзи

UZ24: Хабар ва янгиликларни FacebookTwitterTelegram'да ҳам кузатиб боринг

 

Электрон манзилингиз кўрсатилмайди. Белгиланган майдонлар тўлдирилиши шарт *