Самарқандда таълим соҳасидаги талон-тарожликлар фош этилди

сен 12 / 2018

alt

Департаментнинг Самарқанд шаҳар бўлими томонидан ўтказилган терговга қадар текширув давомида, Самарқанд Давлат Университети ҳузуридаги педагог кадрларни қайта тайёрлаш ва уларнинг малакасини ошириш минтақавий маркази мансабдор шахсларининг қилмишлари фош этилди.

Бош прокуратура матбуот хизмати хабарига таяниб ЎзАнинг маълум қилишича, масъуллар 2017-2018 йиллар давомида таълим жараёнига жалб қилинмаган ўқитувчилар томонидан дарс ўтилганлиги тўғрисида дарс жадвалларига сохта маълумотлар киритган. Ушбу маълумотлар асосида 9 нафар ўқитувчига ўтилмаган ўқув машғулотлари учун сохта буйруқлар расмийлаштирилиб, 9,2 млн сўм иш ҳақлари тўланган. Шунингдек, марказнинг 3 нафар раҳбар ходимига асосий ва ўтиши мумкин бўлган ўқув машғулотларидан ташқари дарс соатлари учун 7,4 млн сўм иш ҳақларини ноқонуний равишда тўлаб, жами 16,7 млн сўм бюджет маблағларини талон-торож қилганликлари аниқланган.

Мазкур ҳолат юзасидан Самарқанд Давлат Университети ҳузуридаги педагог кадрларни қайта тайёрлаш ва уларнинг малакасини ошириш минтақавий маркази ходимларига нисбатан Жиноят кодексининг тегишли моддалари билан жиноят иши қўзғатилиб, тергов ҳаракатлари олиб борилмоқда.

UZ24: Хабар ва янгиликларни FacebookTwitterTelegram'да ҳам кузатиб боринг

 

Электрон манзилингиз кўрсатилмайди. Белгиланган майдонлар тўлдирилиши шарт *