BoburDay акцияси: Ижтимоий тармоқ фойдаланувчилари ўз постларида BoburDay xеш-тегини ишлатишлари лозим

фев 14 / 2019

alt

Бугун, 14 февраль куни давлат арбоби, шоир Заҳириддин Муҳаммад Бобур таваллуд топган кун. Тошкент давлат иқтисодиёт университетида Ўзбекистон ёшлар иттифоқи Марказий Кенгаши, Олий ва ўрта махсус таълим вазирлиги, Вазирлик ҳузуридаги “Маънавият ва маърифат” маркази ҳамда “Ўзбекконцерт” давлат муассасаси кўмагида Бобур таваллудининг 536 йиллиги муносабати билан #BoburDay сайли байрам акцияси ўтказилмоқда.

Мазкур акцияда ўзини миллий қадриятларимизга дахлдор деб билувчи, ижодкор юртдошларимиз  фаол иштирок этмоқда. Иштирокчилар университет ҳудудида ўрнатилган буюк сиймо Бобур таваллуд кунига бағишлаб тайёрланган махсус баннерлар, декорация ва иллюстрациялар атрофида суратга тушиб, ўз иштироки ва муносабатини он-лайн тизимда турли ижтимоий тармоқларда акс эттиряпти.

alt

Акцияда эл севган таниқли санъаткорлар, кино ва театр актёрлари, спортчилар қатнашяпти.

Жаҳон трендларидан бирига айланиб улгурган #BoburDay хеш-теги мана бу йил ҳам Интернет фойдаланувчилари ўртасида яна бир бор улуғ алломанинг ҳаёти ва ижодини фаол тарғиб қилиб, ёшлар ўз тенгдошлари билан дунёнинг барча бурчакларидан туриб мавзу атрофида мулоқот қилишлари ҳамда фикр алмашишлари имкониятини яратмоқда.

Шунингдек, сайлда бир вақтнинг ўзида барча ижтимоий тармоқларнинг фаол фойдаланувчилари ўз постларида #BoburDay xеш-тегини ишлатган ҳолда қатнашишлари мумкин.

 #BoburDay сайли 18.00 га қадар давом этади, унда барча хоҳловчилар иштирок этиши мумкин.

UZ24: Хабар ва янгиликларни FacebookTwitterTelegram'да ҳам кузатиб боринг

 

Электрон манзилингиз кўрсатилмайди. Белгиланган майдонлар тўлдирилиши шарт *