"Қарши нефт базаси" МЧЖда 11,5 млрд. сўмлик манбаалар аниқланди

ноя 07 / 2019

alt

Жорий йилнинг октябрь ойида “Ўзнефтгазинспекция” мутахассислари томонидан “Қарши нефт базаси” МЧЖ ва унга қарашли филиалларнинг нефть маҳсулотлари сиғимларидаги маҳсулотнинг ҳақиқий қолдиғи билан ҳисобхона қолдиғи таққосланганда ҳамда сифат таҳлили учун намуналар олинганда жами 11 млрд 535 млн. сўмлик манбаалар аниқланди. Бу ҳақда Энергетика вазирлиги матбуот хизмати хабар қилади.

Жумладан, 220,3 млн. сўмлик 38,4 тонна камомад, 50,9 млн. сўмлик

5,7 тонна ортиқчалик ҳамда 160,1 млн. сўмлик 26,4 тонна асоссиз ҳисобдан чиқариш, 514,6 млн сўмлик 97703 литр маҳсулот сифати бузилганлиги ҳамда 7 млрд 512 млн сўмлик 3850 тонна нефть маҳсулотларни “Ўзбекнефтгаз” АЖ рухсатисиз АЁҚШларга имтиёзли нархларда тарқатиш ҳолатлари аниқланди.

Бундан ташқари, жамиятга қарашли сиғимларда сақланаётган сиғимлардан нефтмаҳсулотларнинг сифатини аниқлаш учун наъмуналар олиниб Ўзнефтегазинспекциянинг Тошкент назорат-кимё лабораториясига топширилди. Сифат таҳлили натижасида жами 514,6 млн сўмлик 97703 литр нефть маҳсулотлари сифати бузилганлиги аниқланди.

Назорат ва таҳлил натижалари бўйича расмийлаштирилган хужжатлар ҳуқуқни муҳофаза қилиш органларига тақдим этилди.

 

 

 

Электрон манзилингиз кўрсатилмайди. Белгиланган майдонлар тўлдирилиши шарт *