Миллий спортимиз ҳисобланган кураш илк маротаба Осиё ўйинлари дастурига киритилди

авг 15 / 2018

alt

Ўзбекистон спорт делегацияси Осиё ўйинларида 28 та спорт тури бўйича 230 нафардан ортиқ спортчи билан бирга иштирок этмоқда, деб хабар бермоқда ЎзА.

Мамлакатимиздан 100 дан ортиқ расмий шахс (мураббийлар, шифокорлар, менежерлар, ОАВ ходимлари) Жакартадаги ўйинлар давомида фаолият олиб боради, дейилади хабарда.

Шунингдек, қитъа мамлакатлари қаторида Ўзбекистон ҳам ушбу нуфузли мусобақага жиддий тайёргарлик кўрган. Осиё ўйинларида қитъамизнинг 45 мамлакатидан 11 300 дан ортиқ спортчи иштирок этади.

Атлетлар спортнинг 40 тури, 67 йўналиши бўйича ғолиблик учун кураш олиб борадилар.

Индонезиядаги Осиё ўйинлари бутун ўзбек спорти учун тарихий аҳамият касб этади. Зеро, миллий спортимиз ҳисобланган кураш илк маротаба Осиё ўйинлари дастурига айнан Жакартада киритилган.

Шунингдек, спортнинг жиу житсу, пенчак силат, самбо ва от спорти (конкур) каби турларида спортчиларимиз биринчи марта Осиё ўйинларида иштирок этишади.

UZ24: Хабар ва янгиликларни FacebookTwitterTelegram'да ҳам кузатиб боринг

Электрон манзилингиз кўрсатилмайди. Белгиланган майдонлар тўлдирилиши шарт *