Virus va kasalliklardan xoli, hosildor ko‘chatlarni yetkazib beruvchi yangi loyihaga start berildi

Jizzax viloyati G‘allaorol tumanida Agrobankning “Agro In Vitro” loyihasi taqdimoti bo‘lib o‘tdi. “Agro In Vitro” loyihasidan asosiy maqsad 20,4 gektarlik laboratoriya kompleksida yuqori hosildorlikka ega meva ko‘chatlarini yetishtirishdir. Ushbu ko‘chatlar iqlim sharoitidan kelib chiqib sog‘lom bo‘lishiga e’tibor qaratiladi. Yaqin kelajakda ularni turli davlatlarga eksport qilish ham maqsad qilingan.